РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Якуб Колас
Вершы
Кантэкстны тлумачальны слоўнік
На лузе
Добра ў лузе ў час палудны!
      Лёгка там дыхнуць!
Хмаркі белыя марудна
      За лясы плывуць.
 
Ветрык краскі чуць калыша,
      Травы шалясьцяць,
Луг зялёны жыцьцем дыша –
      Конікі трашчаць.
 
Ў лозах шчэбет не сьціхае,
      Шум стаіць і сьвіст,
Ў яркім бляску спачывае
      На ракіце ліст.
 
Сьпевам-гоманам і звонам
      Поўніцца ўвесь луг,
I дрыжыць над ім, зялёным,
      Жыватворчы дух.
 
1910
 
 
 
 
Падабаецца     Не падабаецца Водгукі
2009–2017. Беларусь, Менск.