Сорамна шчасьлівым быць паэтам І дзяўчатам вершы прысьвячаць, Нібы на дуэлі зь пісталета У аблокі ў час вайны страляць, І ня думаць, для чаго і хто ты І чаму такі самотны я За вакном сяджу, нібы за плотам. Дзень за днём ідзе і год за годам, І чакаем мы, як Бога, дня, Што нам скажа: «Атрымайце шчасьце!» Ну а шчасьця не было й няма, І яго ў шчасьлівага ня ўкрасьці, Украдзеш – законная турма, Дзе няшчасным будзеш ты паэтам, Што дзяўчатам вершы прысьвячаў, Нібы сьнег ствараў сьпякотным летам, А зімою кветкі расьсяваў І ня думаў, для чаго і хто ты І чаму такі вясёлы я. У піўбары на апошні злоты У Варшаве на сыходзе дня Добра п’ю і не чакаю шчасьця, Бо, як піва пенаю, яно Можа ўзьняцца, тут жа і апасьці, Нібы камень на марское дно...
|
|