Праляцелі дні, як павуціна Па-над полем, дзе ўладарыць восень. І ў аблоках, бы ў сумётах, просінь Сьветлая, як нашая Айчына, Празь якую хутка зноў завеі Пракладуць для Студзеня шляхі, І пабеляць шэры сьвет сьнягі, Каб і мы душою пасьвятлелі Хоць на міг, прыпомніўшы хвіліны Маладосьці, што прайшла, як сьвята, І цяпер твая старая хата Сумная, нібы твае ўспаміны, У якіх яшчэ ўладарыць восень, Дзе ляціць над полем павуціна, Родная, як нашая Айчына, Сьветлая, як у аблоках просінь...
|
|