Мая Айчына – ты мая Турма,
І каб хацеў другой – другой няма...
І гэты сьнег, як попел, пад нагамі,
І гэта неба, што, як сьмерць, над намі
Люблю, і веру, што мінецца дзень
І адпаўзе ў нябыт нябыту цень...
Мая Айчына – ты мая Магіла.
Як каменем мяне ты прыдушыла
Сваёй маўклівасьцю прад свалатой,
Што вечна груганамі над табой...
Мая Айчына – ты маё Балота,
Зь якога б уцякаць – ды неахвота,
Бо ты мая, як гэты сумны сьвет,
Як рай, як мною створаны санэт.
|
|
