Śviatkujem dzień sustreč. Udvuch śviatkujem. Cicha. Śpiavaje ŭ chacie pieč Čyrvonaj sałaŭichaj. Z-pad čornaha kryła Vypyrskvaje vuholle Toj pieśni, što pryjšła Da našaha zastolla. Vidać, jana na raz. Usio, čamu śpiavacca, Zharaje ŭ lepšy čas – I nielha ŭratavacca. Dyk što ž rabić, stary? Padkiniem droŭ biaremia... Niachaj ahoń haryć I kot na kufry dremle. Nia łičačy hadzin, Davaj zmarnujem viečar, I moŭčki pasiadzim, I vypjem za sustreču. Adnu z usich sustreč, Kałi ŭ suśviecie cicha I tolki ŭ chacie pieč Śpiavaje sałaŭichaj..
|
|