РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Усевалад Сьцебурака
Вершы
Кантэкстны тлумачальны слоўнік
*  *  *
Я хацеў бы сустрэцца з вамі на вуліцы,
дзе яднае шыхты наш спрадвечны штандар.
Хай хістаецца сьвет – човен не перакуліцца –
наша права пабачыць нябёсы бяз хмар!
 
Я хацеў бы сустрэцца.
                                                  Хай з кожным дзясятым,
з тых, хто крыкам крычыць,
                                                              пра радзіму ці сьмерць,
з тых, каго я хацеў бы пасьля назваць братам,
ці ўжо болей ніколі і справаў ня мець.
 
Я хацеў бы сустрэцца. Хай толькі вачыма.
I да скону мне хопіць хвіліны такой.
Трэба верыць, бо вера ўсё робіць магчымым...
I яшчэ трэба вуліцай крочыць адной!
 
 
 
 
Падабаецца     Не падабаецца
2009–2022. Беларусь, Менск.