 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Ня жаль нам юнага жыцьця,
ня жаль нам рожавага сёньня, –
мы дзён адходзячых працяг
асьвецімо агнём паходняў.
І ў братніх, змораных грудзёх
пад рызманом зь цьвярдога зрэб’я
надзею збудзім новых дзён,
акрылім дух, каб ўзьняўся ў неба.
Бо бурным віхрам сьмелых дум
і верных душ ахвярным жарам
агонь трэ' ў попеле раздуць,
а ў сэрцах выклікаць пажары.
Ў граніт трэ' веру ўзмацаваць
і сілу ў цягліцах патроіць,
каб кажны путы ўмеў парваць,
на рубяжох каб стаў гэроем.
Ў агні куецца новы час!
Ударым ўсе ў гарон ахвотна
за прадзедаў сьвяты адказ,
за славу Крыўі несьмяротнай!
1942
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
