РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Ларыса Геніюш
Вершы
Кантэкстны тлумачальны слоўнік
Вее вецер
Вее вецер ўжо асеньні,
нясе лісьцяў поўны жмені,
тое золата з галінаў
рассыпае па далінах.
 
Тужаць вербы сумна з жалю,
косы ясныя апалі;
каляровай чарадою
адплываюць ўдаль з вадою.
 
Вее з поля сум нязнаны,
пунсам сьцелюцца паляны,
лісьцяў тканьню залатою,
пышнай зводнаю красою.
 
Пражай з даляў асумелых,
з дум кудзелі яснай, белай
заснавала павуценьне
нават сэрца ў дзень асеньні...
 
1942
 
 
 
 
Падабаецца     Не падабаецца
2009–2020. Беларусь, Менск.