РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Якуб Колас
Вершы
Кантэкстны тлумачальны слоўнік
Родныя вобразы
Вобразы мілыя роднага краю,
        Смутак і радасьць мая!
Што маё сэрца да вас парывае?
        Чым так прыкованы я
 
К вам, мае ўзгорачкі роднага поля,
        Рэчкі, курганы, лясы,
Поўныя смутку і жальбы нядолі,
        Поўныя сумнай красы?
 
Толькі я лягу і вочы закрыю,
        Бачу я вас прад сабой.
Ціха праходзіце вы, як жывыя,
        Зьзяючы мілай красой.
 
Чуецца гоман мне сьпелае нівы,
        Ціхая жальба палёў,
Лесу высокага шум-гул шчасьлівы,
        Песьня магутных дубоў...
 
Вобразы мілыя, вобразы смутныя,
        Родныя вёскі і люд,
Песьні цягучыя, песьні пакутныя!..
        Бачу і чую вас тут.
 
1908
 
 
 
 
Падабаецца     Не падабаецца Водгукі
2009–2019. Беларусь, Менск.