Гулкая вулка роднай Вушачы Слухае сьцішана на схіле дня Просьбы ласкавай голас дзіцячы: «Татка, Пасадзі мяне на каня!» Гэта амаль забытае «Татка» – Слова вяртае здалёку мяне. Даўняя згадка, Быццам загадка, Здагадалася, што тугу ўзварухне. Зноўку прашу, як калісьці прасіў я, Зь ціхай назойлівасьцю авадня, Хоць сам зрабіўся, што конь той, сівы: «Татка, Пасадзі мяне на каня!» Разгаманіліся напаміны Голасна, як на памінках радня. Хочацца верыць – Бацька павінны З пашы гадоў Мне прывесьці каня...
|
|