РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Ліпа
Высока, разлажыста
Расьселася пры хаце
Стара-старая ліпа,
Паважная, як свацьця.
 
Сто лет ужо старусе,
А можа, нават болей,
Ад віхраў і ад бураў
Ня мела век патолі.
 
Сто лет – кавалак часу,
Ня сто дней, ня сто тыдняў,
Якіх зайшло праменаў
Збадаці ўсё абрыдне.
 
Няшчасьцяў, кляцьбы, плачу
Было, што, Божа мілы!
Нябожчыкаў бязь ліку
Сыходзіла ў магілу.
 
А ліпа ані дбае,
Жыве, стаіць пры хаце
Высока, разлажыста,
З павагай, нібы свацьця.
 
15.VIII.1906
 
 
 
 
Падабаецца     Не падабаецца Водгукі
2009–2019. Беларусь, Менск.