Дарогай шырокай, з дарогі нялёгкай, Дый многа бязь ліку гадзін, На кій абапёрты, стары і абдзёрты, Ішоў падарожны адзін. Ішоў ён да вёскі, што блізка дарожкі У полі пад лесам была; Там некалі даўна ён жыў добра, слаўна, Хам моладасьць-радасьць прайшла. Там кінуў ён хатку, і бацьку, і матку, І жонку пакінуў сваю, І дзетак маленькіх, прыгожых, міленькіх, Пакінуў усю там радню. У дальняй старонцы лет многа бясконца Пражыў у бядзе ён цяжкой; Ні шчасьця, ні долі ня бачыў ніколі, Бядуючы сьлёзна парой. Цяпер на зямельку, сваю карміцельку, Прыйшоў, каб пабачыць сваіх, Убачыць каб хатку, і бацьку, і матку, І дзетак – калісьці малых. Ідзець ён, падходзіць і вёску знаходзіць, Таксама, як жыў ў ёй, глядзіць: І хаты ж такія – гнілыя, старыя, Карчомка таксама стаіць. Тут хата Захаркі, там Ёські, Ганчаркі, Там Янкава жонка жыве, Тут кум Давідзёнак, там сват Міхальчонак, Там Сорка, што соль прадае. А вот і садочак, а вот і дамочак Даўнейшы яго тут відаць, Во ганак той самы, зь нізкімі акнамі, – Будынкі таксама стаяць. Уходзіць у сенцы, аж гнуцца каленцы, А сэрца трасецца, баліць: Што будзе тут скора – ці радасьць, ці гора?.. Вось дзьверы адпёр і глядзіць... Уйшоў, пазірае, сваіх пазнавае... Ах, што ж? Ці пазнае калі? Аплакаў нябожа і глянуць ня можа: Чужыя ужо там былі!..
[1905–1907]
|
|