Як мы жылі,
як мы любілі? –
Што той запаветны сучок губілі,
на якім сядзела любоў
і буркатала, накшталт галубоў.
Якія словы зьляталі з вуснаў?
Што той сучок аднойчы хруснуў,
і адляцела наша любоў
стайкаю спуджаных галубоў.
Як мы жылі,
як мы любілі?
Як мы пра тое зусім забылі,
мы, халодныя ілбы,
што пачуцьцё – не галубы?
ІПто голуб вернецца,
ён – хатні,
а дзікую радасьць злаві!
Што не пустуюць галубятні,
а душы пустуюць безь любві...
|
|
