RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Maksim Bahdanovič
Vieršy
Kantekstny tłumačalny słoŭnik
*  *  *
Jak tolki zakryju ja vočy,
stamlonyja śvietam haźnicy,
jak tolki ŭspłyvuć pierad imi
čyrvonyja, sinija plamy, –
dyk zaraz ža serca zhadaje
apošniaje naša spatkańnie, –
čyrvonyja, jarkija vusny,
hłybokija, sinija vočy...
Jak toj matylok lohkakryły,
što voś-voś iz maku ŭźvijecca,
na vusnach jaje trapiatała
i była nia ŭ siłach sarvacca
adno cichaviejnaje słova;
jakoje – ŭžo vy uhadałi!
Ach vusny, čyrvonyja vusny!
ach słovy, čaroŭnyja słovy!
Nia dziva ž, maje darahija,
što ślozy ŭ mianie prastupajuć
z-pad chmurnych paviek, i kažu ja:
«pamienšycie śvietu ŭ haźnicy,
bo štoś jana reža mnie vočy».
 
[1911]
 
 
 
 
Padabajecca     Nie padabajecca
2009–2020. Biełaruś, Miensk.