РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Раіса Баравікова
Вершы
Кантэкстны тлумачальны слоўнік
Да жыцьця
Пераплялося карэньне,
Як мы з табою, мой лёс!
Колькі розных здарэньняў,
Колькі гора прынёс
Ты мне...
                Я – дзівачка,
Чагосьці чакаю яшчэ!
Водзіць вывадак качка...
Пад камень вада не цячэ
I ўрэшце – адна!
Чаканьні, здарэньні,
То ўверх, то ўніз...
                                Ах, жыццё,
Хто сказаў, што слабое
                                        карэньне?!
Лес мне дорыць жыцьця
                                            пачуцьцё!
 
 
 
 
Падабаецца     Не падабаецца
2009–2019. Беларусь, Менск.