РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Раіса Баравікова
Вершы
Кантэкстны тлумачальны слоўнік
*  *  *
Я думаю, гады праходзяць!
Такая доля ўжо мая –
Зьдзіўляюся – усе знаходзяць
Ўсё тое, што губляю я!
Даверліва адкрыўшы вочы,
Ўглядаюся у кожны твар
I моцна веру, што аднойчы
Пазбаўлюся уяўных мар.
Упэўнена, што прыйдзе ў сэрца
Сапраўднасьць думак, пачуцьця,
Даволі цешыцца i грэцца
Сьвятой наіўнасьцю жыцьця.
Нарэшце, я змагу астынуць,
Цьвяроза паглядзець ў акно...
З сабой пакінуць i адкінуць,
Як баба з кроснаў палатно,
Сваё заўсёднае зьдзіўленьне...
Я думаю, гады праходзяць!
Такая доля ўжо мая –
Зьдзіўляцца!
                      Верыць!
                                      Спадзявацца,
Што некалі знайду i я!
 
 
 
 
Падабаецца     Не падабаецца Водгукі
2009–2018. Беларусь, Менск.