РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Раіса Баравікова
Вершы
Кантэкстны тлумачальны слоўнік
*  *  *
О, як самотна выглядае ціш...
За вокнамі, абмытымі дажджамі!
Здаецца, доўга некуды ляціш
I водзіш абыякава вачамі!
 
Мне б зараз на лужок, дзе пар сівы,
Прабегчыся па сьвежай жоўтай пожні,
Калі на небе маладзік крывы
Перадсьвітальны робіць круг апошні!
 
На рэчку б мне ды пранікам паплёскаць,
Дзіця ў калысцы пагайдаць сваё –
Блішчыць i вабіць белаю палоскай
Імкненьне немагчымае маё!
 
 
 
 
Падабаецца     Не падабаецца Водгукі
2009–2017. Беларусь, Менск.