RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Raisa Baravikova
Vieršy
Kantekstny tłumačalny słoŭnik
*  *  *
Adpłyvuć za piasčanuju vyspu
adharełaha leta dymy,
ja ciabie adzinotaju vyśniu,
ty mianie napaśled abdymi.
Noč ahniami ŭ aknie admirhaje,
prymuć novyja nas bierahi,
za mianie dakachaje druhaja,
za ciabie dacałuje druhi.
 
Vałasoŭ maich nić załataja
apadzie na haračuju skroń,
nie trymaju! Niachaj adlataje
nierazumnaha serca ahoń.
Na hałinach ad vietru kalanych
zachłynajecca łiście ŭ žurbie,
u imia niesustretych kachanych
ja adnojčy zabudu ciabie.
 
Tam, dzie vierasień projdzie ŭradłivy,
dzie kryničny zabjecca vytok,
upadzie na ziamlu siratłivy
adharełaha leta łistok.
I ništo nie ŭstryvožyć z hadami,
nie ŭschvaluje čakanym zvankom,
za ciabie adsumuju radkami,
za siabie ablaciełym łistkom.
 
 
 
 
Padabajecca     Nie padabajecca
2009–2019. Biełaruś, Miensk.