RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Janka Kupała
Vieršy
Kantekstny tłumačalny słoŭnik
Ad mienskich dziaciej

Na pryvitańnie IV Usiebiełaruskaha
źjezda Savietaŭ


 

#1
Ad dziciačaj zhodnaj, bujnaj,
Zaćvitajučaj Kamuny
Čeść, pryviet vam, delehaty
3 biełaruskich niŭ i chataŭ!
 
Hej, rabotniki, sialanie!
Mazyranie, babrujčanie,
Ihumiency i słuččanie,
Dy barysaŭcy j minčanie! –
 
Biełarusy vy biaz plamaŭ,
Biełarusy my taksama, –
Chaj na našym na zahonie
Viek nichto nas nie razhonie.
 
Vy ŭžo stały, my – jšče mały,
A jak vyraściem, udała
Ŭsie k vam pojdziem na padmohu
Cierabić k śviatłu darohu, –
 
Za tym ščaściem udahoncy
Pojdziem, pojdziem až da sonca.
Hej, rabotniki, sialanie,
Biełarusi hramadzianie!

 

#2
Tavaryšy delehaty!
Dla nas siahońnia śviata,
Što vy papryjazdžałi,
Kab žyŭ Saviet naš dalej.
 
Ad serca vas vitajem!
Kirujcie našym Krajem,
Kab našaj Biełarusi
Žyłosia nie ŭ prymusie.
 
Damoŭ ža chto pajedzie,
Skažycie tam susiedziam,
Što my, Kamuny dzieci,
Žyć chočama na śviecie.
 
Što chočam hreci plečy,
Jak tam u vas, la piečy,
Dy łasavaci časam
Jaječniu i kaŭbasy.
 
Što treba nam śviatłički,
Kašulki, čaravički,
Nastaŭniki i knižki
Dy inšyja «iźłiški».
 
Što jak mieć budziem heta,
To na druhoje leta
Vam pryjdziem pamahaci
Arać, kasić i žaci.
 
Dyk nie zabudźcie dzietak,
3 paletkaŭ vašych kvietak,
Jak vierniecieś dachaty,
Siabročki-delehaty!

 
1922
 
 
 
 
Padabajecca     Nie padabajecca
2009–2019. Biełaruś, Miensk.