RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Janka Kupała
Vieršy
Kantekstny tłumačalny słoŭnik
Dla naściennaj hazety BDzV

#1
Što ty śpiš?

Pa Kalcovu

Što ty śpiš, Hosyzdat?
Bač, viasna na dnare,
susiedzi tvaje
Ŭžo pracujuć daŭno.
 
Ty zbudzisia, ustań,
Na siabie pahladzi,
Čym ty byŭ, čym ty jość
I što budzie ź ciabie.
 
Ni šryftoŭ, ni pryład,
Ni toj farby ludskoj,
I papieru tvaju
Dajadaje pacuk.
 
Zamiest knižak dla škoł
Błanki šlopaješ ty,
A paciechi ad ich
Ni tabie, ni ludziam.
 
Ty ustań, Hosyzdat,
Pratry vočy svaje,
Bo inakš chtoś druhi
Skarystaje tvoj son.

 

#2
Da našaha praŭleńnia
bieznadziejnaje maleńnie

Praz našu biascennuju
Hazetu naściennuju
      Zanosim maleńnie, –
Źviartajemsia z prośbaju
(Dy ŭžo ž – nia z hroźbaju)
      K tabie, praŭleńnie!
 
Voka łaskavaje
Miej ty nad spravaju
      Druku ŭlapšeńnia:
Dla našych siektaraŭ
Treba, jak niektaru,
      Hrošy, praŭleńnie!
 
Papiery biełaje
Kip sotni cełyja
      Dać miej chacieńnie,
I šryftu ŭsiakaha,
Ale niebyjakaha,
      Padaj, praŭleńnie!
 
Mašynu sšyvalnuju
I falcavalnuju
      Dla palahčeńnia,
Mašynu nabornuju
I farbu čornuju
      Daj nam, praŭleńnie!
 
I cynkahrafiju,
Dla pałihrafii
      Našaj zbaŭleńnie,
I steratypnuju
Bolej daścipnuju
      Padaj, praŭleńnie!
 
Pad pieraplotnuju
Bolš pavarotnaje
      Daj pamiaščeńnie;
Ad ścisku ciesnaha,
Jak zła niaŭciešnaha,
      Vybaŭ, praŭleńnie!
 
Choć nie aktyŭnaje,
Ale kalektyŭnaje
      Heta maleńnie
Zanosim, płačučy,
Praśvietu nia bačučy,
      K tabie, praŭleńnie!

 
1924
 
 
 
 
Padabajecca     Nie padabajecca
2009–2020. Biełaruś, Miensk.