РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Хвалююцца морскія хвалі...
Хвалююцца морскія хвалі,
I воблакі вецер калыша, –
А мы плывём далей і далей,
А мы ляцім вышай і вышай.
 
Наперад мы йдзём векапомна,
Як сонца на небе ў пагоду,
Будуем мартэны і домны,
Будуем гіганты-заводы.
 
Будуем, няволі ня знаем,
Цярэбім да шчасьця дарогі,
Сьвяткуем Кастрычнікі, Маі –
Свае да сьвятла перамогі.
 
Ня ў страх нам пагрозаў замахі,
Ня ў страх інтэрвенцкія шхуны, –
Ні стуль, дзе гадуюць манархаў,
Ні стуль, дзе бушуюць тайфуны.
 
На ўсход, захад, поўнач і поўдзень
Плыве бальшавіцкая песьня,
Плыве песьня ў творчым паходзе –
Для сьветаў старых буравесьнік.
 
1934
 
 
 
 
Падабаецца     Не падабаецца
2009–2019. Беларусь, Менск.