RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Janka Kupała
Vieršy
Kantekstny tłumačalny słoŭnik
Kryžy
Čuć my Božy śviet ubačym
I da samaj da mahiły
Ŭsio, jak jość, kryžami značym,
Ci to miła, ci nia miła.
 
Jak u chacie naradziŭsia,
«Babka» kryžam pryvitała;
Jak u cerkvie achryściŭsia,
Kryž «kuma» padaravała.
 
Jak pajšłi dni maładyja,
Znoŭ biaz kryža ani troški:
Dzie ni stupiš, kryžavyja
I haścincy, i darožki.
 
Kryž bałić tabie, biadniazie,
Ad toj ciažkaj ad toj pracy,
Nakryž łaty u siarmiazie,
Nakryž dziurki ŭ tvajoj chatcy.
 
Palcy nakryž ty składaješ
Ad naprasnaj ad napaści;
Kryžam złydniaŭ adhaniaješ,
Kab ad kryŭdaŭ nie prapaści.
 
Dolaj mučany pahanaj,
Śled ślazoj pačnieš kryvavić;
Kryžam lažaš raspłastany,
Na svaim aby pastavić.
 
Kryžam lažaš za paroham
U toj cerkvie, dzie chryściŭsia,
Kryžam lažaš pierad Boham,
Kab ciabie Jon nie zabyŭsia.
 
Tak žyćcia kryž musiš nieści,
Jak dziady tvaje nasiłi,
A jak daniasieš da śmierci, –
Kryž pastaviać na mahile.
 
1908
 
 
 
 
Padabajecca     Nie padabajecca
2009–2020. Biełaruś, Miensk.