|
Biełaruskija plamiony asiełi na prastorach siańniašniaje
Biełarusi ŭ 6-tym, 7-mym i 8-mym stahodździach. Najbolšaje
plemia – Kryvičy1 zatrymałisia la rekaŭ Dźviny j
Viałikaje, a
taksama ŭ vierchnim ciačeńni Dniapra. Jany zasnavałi kniastva
Połackaje j Smolenskoje, dy respubłiku Pskoŭskuju na
poŭnačy, la raki Viałikaje. Dryhvičy asiełi na paŭdni j
paŭdzionnym zachadzie Biełarusi. Ichnym pałityčnym centram
stałasia kniastva Turaŭskaje. Radzimičy asiełi la raki Sožu, a
Sieviaranie j Viacičy zaniałi paŭdzionny ŭschod i ŭschod Biełarusi.
Jany zasnavałi kniastvy Sievierskaje j Razanskaje.
Usia ŭłada ŭ biełaruskich haspadarstvach naležała da "vieča".
Viečam nazyvałasia zboryšča ŭsich vyrosłych ludziej horadu j
akołicy (niešta, jak "town meeting" u niekatorych štatach
Ameryki). Na viečy pastanaŭlałi ab vajnie j miry, ab handlovych
umovach ź inšymi narodami. Na praktycy ŭ viečy brałi ŭdzsł
tolki staršyny rodaŭ i ludzi, viedamyja svaimi zdolnaściami,
mudraściaj abo zasłuhami.
Dziela ŭtvareńnia zbrojnaj siły j kamandavańnia vojskam
u časie vajny, vieča vybirała kniazia. U časie supakoju vojska
časta nia było pad kiraŭnictvam kniazia. Kab nia dać kniaziu
mahčymaści zachapić uładu ŭ svaje ruki, niekatoryja viečy
(prykładam, Połackaje) nie dazvalałi kniaziu žyć u samym
horadzie. Stałaje vojska, pad kamandaju kniazia, zvałasia
družynaju j składałasia z bajaraŭ.
PRAKTYKAVAŃNIe
Adkažy piśmova na pytańni:
1. Nazavi ŭsie biełaruskija plamiennyja haspadarstvy j plamiony, jakija ŭ ich žyłi.
2. Koratka raskažy, što rabiła vieča ŭ biełaruskich haspadarstvach.
3. Jakija byłi abaviazki kniazia?
|
|
