РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Ларыса Геніюш
Вершы
Кантэкстны тлумачальны слоўнік
Лятуць гусі
Лятуць гусі, лятуць шнурам,
      бы вясьняны сьцяг,
праз туманы хмараў бурых,
      ў непагоду, празь віхуру,
              дзе радзімы шлях.
 
Лятуць гусі, лятуць дружна,
      вернай грамадой,
па тым Краю сэрцам тужаць,
      дзе дзяўчаты белы кужаль
              сьцеляць над ракой.
 
Сіні шлях вачыма мераць,
      рэжуць стальлю крыл,
і глыбока, цьвёрда вераць,
      што убачыць родны бераг
              стане, стане сіл.
 
Лятуць гусі ў Край Радзімы
      бы вясна ляціць!
Ўжо забыліся пра зіму –
      будуць днямі маладымі
              сабе гнёзды віць.
 
Панад Нёмна шляхам водным
      вольна пралятаць,
у палёх, лясох свабодных
      свае дзеці ў Краю Родным
              будуць гадаваць.
 
1941
 
 
 
 
Падабаецца     Не падабаецца
2009–2019. Беларусь, Менск.