РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Уладзімер Някляеў
Вершы
Кантэкстны тлумачальны слоўнік
Аблачынка
Дзесьці ў Крэве, на высокіх могілках,
У буяньні руты і гарквы,
У зямлі змаганай, ды ня зможанай,
Дзед з бабуляй – тварам да царквы.
 
Іх жыцьцё падманамі і звадамі
Праплыло, як месяц па вадзе.
I ляжаць Іван з Алімпіядаю...
Дзе іх душы? Невядома дзе.
 
У хмурынках тых вунь?.. У тумане?..
На губе крывінку прыкушу...
Як твая душа, мой дзед Іване?
Ці знайшла Алімпіну душу?
 
Не збалела, крылы не намуліла
Над царквой маўкліваю кружыць?..

Вымытай хусьцінкаю бабулінай
Аблачынка сохне на крыжы.
 
 
 
 
Падабаецца     Не падабаецца
2009–2020. Беларусь, Менск.