РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Ларыса Геніюш
Вершы
Кантэкстны тлумачальны слоўнік
На сутоньні
Добры вечар у хату.
З зацярушаных дрэў
сьцюжай іней кудлаты
мне на сэрца асеў.
Тут агонь наш у печы.
Жар, якому ня стлець.
Цеплынёю спрадвечнай
мне б душу адагрэць.
На дыван паўзірацца,
слова шчырае ўчуць.
Адпачыць посьле працы
ў шчырай хаце хачу.
 
Дрэмле вечар на лавах.
Рэй дзіцячы прыціх.
Посьле сьнежных завалаў
адпачыну пры іх.
 
 
 
 
Падабаецца     Не падабаецца
2009–2019. Беларусь, Менск.