РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Ларыса Геніюш
Вершы
Кантэкстны тлумачальны слоўнік
*  *  *
Па гасьцінцы, капытамі ўбітым,
шпарка едзе параконны воз.
Паганяе вецер хваляй жыта,
звоняць росы ў кучарах бяроз.
 
Пчолы ў вульлях шчэ. Ранютка раньне.
Прачынаецца ледзь-ледзь сяло.
Толькі што нясьмелае сьвітаньне
чарку сонца ў неба падняло.
 
Бор прачнуўся ў важкім задуменьні.
Бронзу сосен дзятлы не куюць.
Ад глыбокіх векавых карэньняў
маладыя паросткі растуць.
 
 
 
 
Падабаецца     Не падабаецца
2009–2019. Беларусь, Менск.