РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Ларыса Геніюш
Вершы
Кантэкстны тлумачальны слоўнік
Асеньні
Сонейка ня выйшла больш на неба
ў золаце ад галавы да пят.
 
Дзень сягоньня апрануўся
                                                          ў зрэб’е
хмар абшморганых
і хмаранят.
 
Нават вачаняты не сьмяюцца
пад асеньні,
пад імглісты шум.
 
Туманамі ў галаве снуюцца
пасмы сумных
                                жураўліных дум.
 
Адлятае,
заціхае радасьць.
Толькі сэрца стогне,
                                            бы крумкач,
быццам бы прыгнула нас адказнасьць
за віхураў безуцешны плач.
 
 
 
 
Падабаецца     Не падабаецца
2009–2019. Беларусь, Менск.