РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Ларыса Геніюш
Вершы
Кантэкстны тлумачальны слоўнік
Завея
Даль, як глянуць,
бялее.
Белы кужаль дарог,
закруціла завея
белы сьнег у палёх.
 
Ашалела завея,
загубіла мой сьлед.
Насумёціла, вее
аж каню па хрыбет.
 
Палазам не працерці
шлях стары да сяла.
Гурбы сьнегу і ў сэрцы
мне зіма намяла.
 
Мроі, мары, надзеі
вырваў вецер з дарог.
Круціць, круціць завея
белым сьнегам ля ног.
 
 
 
 
Падабаецца     Не падабаецца
2009–2020. Беларусь, Менск.