Не аклікаць і не чакаць Надзеі, нібы пены мыльнай. I пасьля лічбы «35», Душа, ты прагнеш быць стабільнай. О Бог з табой, мой вечны жаль! Ды буду зноў за песьню брацца I, ахалоджваючы жар, – Аб лёд маўчаньня апякацца. Ну што ж, калі ўжо выпаў лёс, Быць мужнай – Муза загадае! Няхай прачулена – да сьлёз! – Сьмяецца слова і рыдае. Хай золь і вецер у вакно, Хай пераважыць скрухі шаля. Жыцьцё паэта? Вось яно: Непастаяннае, як хваля!
|
|