Сын, як заўсёды,
Акуратна рабі урокі:
Дысцыпліна – харошая якасьць
Ня толькі посьпеху ў школе.
Сынок, як і ўчора,
Паслужы няўцешным суседзям,
Адзіны сын у каторых
Нечакана загінуў ад кулі
На суровым полі заслоны!
Сыночак, чэсна, бы ўчора,
Прынось грашовую здачу
З прадуктовага магазына.
Ды, на ўсякі выпадак,
Умей даць здачы
Подласьці і няпраўдзе!
I яшчэ: будзь прывязан,
Як можаш,
Да верных сяброў па сэрцу
(Ня дай табе Божа мяняць іх на новых!),
Бо можа так здарыцца,
Што заўтра –
Ня выйду табе насустрэчу.
Мама.
|
|
