РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Усевалад Сьцебурака
Вершы
Кантэкстны тлумачальны слоўнік
*  *  *
Вецер гуляе ў напарсткі
кубачкамі з пластыку.
Дрэвы запозьнена робяць
ранішнюю гімнастыку.
Менск вяртаецца з Гораду
                                                          з офісаў і заводаў,
месьціцца ля тэлевізараў
у пошуках танных прыгодаў.
Плавае флот недапалкаў
у акваторыях лужын,
хтосьці гатуе вячэру,
                                              большасьць, напэўна, – ужын.
Вочы вакон заплюшчваюць
                                                              жалюзі ды фіранкі,
бегаюць і страляюць
                                              у тэлевізары «янкі».
Дзень адлятае стары,
                                              дзень надыходзіць новы.
Нехта шукае пары,
                                        нехта шчырай размовы.
Дождж вышыня нараджае,
                                                          цемра рыхтуе пасткі,
блытае, перашкаджае
                                              ветру гуляць ў напарсткі.
 
Cакавік, 2004.
 
 
 
 
Падабаецца     Не падабаецца
2009–2019. Беларусь, Менск.