RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Łarysa Hienijuš
Vieršy
Kantekstny tłumačalny słoŭnik
*  *  *
Dzicia majo, jak Kraj naš, darahoje,
charošaje, jak pieśni našych niŭ.
Jak sumna mnie, što j hetaju viasnoju
sadok tvoj doma bieź ciabie adćviŭ.
 
Surovy viecier chiłić stan dziavočy,
pavołi ciahnucca łichija dni.
Pieražyvie duša rasstańnia nočy,
bo hartavałasia ŭ ciarpieńni i ahni.
 
Mahčyma, zatužyŭ daloki miły,
i časta serca junaje bałić,
što nie jaho, a Kraj svoj palubiła
dziaŭčyna ź biełaruskaje ziamłi.
 
Maja kachanaja, maleńkimi rukami
i ty ŭziałasia śmiełym pamahać –
chacieła ciažki, niepasilny kamień
z hrudziej Ajčyny najmilejšaj źniać.
 
Boh błasłaŭlaje pracu i navuku,
i cichi dom, i nivy, i łuhi.
Najbolš usio ž Jon błasłaŭlaje ruki,
što puty rvuć i niščać łancuhi.
 
1955
 
 
 
 
Padabajecca     Nie padabajecca
2009–2020. Biełaruś, Miensk.