Не растаў твой сьлед у паняверцы Ды і не зарос палын-травой. Думна так і молада на сэрцы: Размаўляю з кнігаю тваёй. Тут прайшлі стагодзьдзяў пілігрымы, А вясна ня знае берагоў. Ты жадаў усім сьвятла, радзімы, Сэрцам заплаціўшы за яго. Ясна так падступіцца ўчарашні Век, нібыта выгляне з-за крат. Два Франьцішкі – два сумленьні нашы, Кожны – роднай песьні адвакат. Можа, нас зусім ужо нямнога. Гурт, нібы рассыпаны гарох. Але ясна доўжыцца дарога Праз масты рэліквій і эпох. Выпырхне вясёлкаю удача, Сьцішыцца зязюляю лясной. Чую я, як чорны воран крача, Толькі не над песьняю тваёй!
|
|