РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
Прызнаньне
Як уплывовы дзядзька
Сваякоў,
Я словы перацягваю
Вушацкія
У стольны Менск
Па лініі радкоў.
Няхай жа мне
Сымпатыі сваяцкія
Даруюць чытачы.
Сваю радню,
Як дабрыню,
Я ўпарта перацягваю.
Падперазаўшыся
Зямляцкай дзягаю,
Былы давер
Ад сьцюжы бараню.
І, каўняры наставіўшы,
Са мной
Ідуць упоплеч
Словы наравістыя.
І ўшацкі край,
Што ў непагадзі выстаяў,
Як шчыт надзейна-родны
За сьпіной!
 
 
 
 
Падабаецца     Не падабаецца
2009–2019. Беларусь, Менск.