РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
Лёзунг
Няхай жыве народ
У думцы,
                    ў згодзе,
                                      ў бунце.
Яму замок на рот
Павесіць не спрабуйце.
 
Няхай сьмяецца, кпіць,
Абразы не прымае.
Хай п’е,
Хто ўмее піць,
Пяе –
Як голас мае.
 
Народ забыў такіх,
Што пяліся, пацелі,
Ў прарабы душ людскіх
Праціснуцца хацелі.
 
Такі падрадчык рад,
Задобрыўшы нагоду,
Народ,
Нібы нарад,
Закрыць, як кажуць, з ходу.
 
Ды час-рахункавод
Вядзе свае падлікі.
Жыве ў вяках народ,
Нязломнасьцю вялікі.
 
 
 
 
Падабаецца     Не падабаецца
2009–2019. Беларусь, Менск.