RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Jakub Kołas
Vieršy
Kantekstny tłumačalny słoŭnik
Adlot žuraŭloŭ
Biełyja vałokny
Ścielucca nad dołam.
Nie śpiavajuć ptuški,
Ścichnuŭ lesu šołam.
 
Ścielucca vałokny,
Tčecca pavucina –
Błizka, błizka vosień,
Smutnaja časina!
 
Zažurycca nieba,
Schovanaje ŭ chmary,
I ahornuć serca
Niejki žal i mary.
 
Zamiraje leta,
Zacichajuć dałi,
Siracieje rečka,
Chaładziejuć chvałi.
 
Stomlenaść, źniamiełaść...
Tojać dumku bory...
Šš! što to za huki
Čujucca ŭ prastory?
 
Žałasna-pryhoža
Ljucca ŭ niebie huki,
Słuchajuć lasy ich,
Łuh, bałota, łuki.
 
U biaźmiežnym niebie
Roŭnieńkim šnuročkam
Žuraŭłi na vyraj
Mknucca nad lasočkam.
 
Mienšycca šnuročak,
U padniebi taje,
Voś ledź-ledź čarnieje,
Mih – i prapadaje.
 
I staiš ty, smutny,
Doŭha paziraješ,
Jak by niešta straciŭ,
A što – sam nia znaješ.
 
Tak u čas rasstańnia
Z tym, chto sercu luby,
Adčuvaješ smutak
Ciažkaj straty-zhuby
 
I hladziš maŭkłiva
Na darožku tuju,
Što niasie ŭdaleču
Dušu darahuju.
 
 
 
 
Padabajecca     Nie padabajecca
2009–2019. Biełaruś, Miensk.