РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Яўгенія Янішчыц
Вершы
Кантэкстны тлумачальны слоўнік
Паўночная зара
Ня шлях сюды,
                                а лёс мяне вяртае,
Хоць і кажу: «Забыць, забыць пара!»
Але пяе на небе залатая
Адзіная паўночная зара.
 
Жаданьне абарвецца і растае,
Размые сьлед вясновая быстра.
Але цьвіце на небе залатая,
Высокая трывожная зара.
 
У час такі – ня час для раздарожжа.
Гукай мяне, паэзіі сястра!
О, як зьвініць апошняя, бязбожная,
Кароткая і позьняя зара!
 
I тут, дзе радасьць дыхае вяснова,
Дзе Млечны Шлях спадае на зямлю,
Я сьветла прыпаду да дзеяслова
Твайго,
              з маёй сьлязінаю – «люблю».
 
 
 
 
Падабаецца     Не падабаецца Водгукі
2009–2017. Беларусь, Менск.