 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
|
Прызнаньне вачамі
|
|
|
Мама, нада мною не журыся,
Не шукай гаючае травы.
Бачыш, як высока узьняліся
Нашы песьні – нашы журавы.
Родная, мо досыць на парозе
Каратаць жыцьцёвыя кругі?
...Як адзін загіне у дарозе –
Вернецца, ня згубіцца другі.
Не Яга, ня злая патароча
Мне ў маленстве сьцежку перайшла.
I калі ня сплю глыбокай ноччу –
Гэта ад высокага сьвятла.
Мілая, то лёс мяне сурочыў,
Каб заўсёды зорнаю была.
I калі пяю глыбокай ноччу –
Гэта ад нязгаснага сьвятла.
Пэўна, буду паміраць я двойчы
У імя азёр і зорных ніў.
На паўнеба сёньня – толькі вочы
Сьпеўны лес удзячна запаліў.
|
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
