РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Тлумачальны слоўнік
Пошук слова:
Як карыстацца тлумачальным слоўнікам
УСЁ
А
Б
В
Г
Д
Е
Ё
Ж
З
І
Й
К
Л
М
Н
О
П
Р
С
Т
У
Ф
Х
Ц
Ч
Ш
Э
Ю
Я
ЛА ЛЕ ЛЁ ЛІ ЛО ЛУ ЛЫ ЛЬ ЛЭ ЛЮ ЛЯ
1 2 3 4 5 6 7 8 9 10 11 12 13 14 15 ... 88
Лагода
назоўнік | жаночы род | размоўнае
1. Прыемны спакой, хараство. Л. ў лесе.

2. Згода, мір, лад. Жыць у лагодзе.
Лагодзіць
дзеяслоў | размоўнае | незакончанае трыванне
1. Лашчыць, прывабліваць. Сонца лагодзіць зямлю.

2. Дагаджаць, паддобрывацца. Л. старэйшым.
Лагодны
прыметнік
Дабрадушны, ласкавы, прыемны. Л. настрой. Лагодная ўсмешка. || назоўнік: лагоднасць.
Лагуна
назоўнік | жаночы род
1. Марскі заліў, аддзелены ад мора пясчанай касой.

2. Унутраны вадаём каралавых астравоў, а таксама ўчастак мора паміж каралавым рыфам і берагам. || прыметнік: лагунны.
Лагчына
назоўнік | жаночы род
1. Нізкае месца сярод адхонных схілаў, лог. Ісці лагчынай.

2. Нізіна. Сяло знаходзілася ў лагчыне. || памяншальная форма: лагчынка. || прыметнік: лагчынны.
Лад
назоўнік | мужчынскі род
1. Дзяржаўная ці грамадская сістэма. Дзяржаўны л. Грамадскі л.

2. Уклад жыцця, спосаб жыцця. Будуем новы л. жыцця.

3. Згода, парадак, зладжанасць (размоўнае). Няма ладу ў хаце.

4. Спосаб, манера. На новы л.

5. Сістэма чаго-н., утвораная ўнутранай сувяззю, залежнасцю суадносных частак. Граматычны л. мовы. Давесці (прывесці) да ладу — прывесці што-н. у парадак; закончыць паспяхова якую-н. справу. Дайсці (да) ладу — разабрацца, дабіцца толку. На добры лад — так, як патрэбна; па-сапраўднаму. На свой лад — па-свойму. На ўсе лады — усебакова (абмяркоўваць, разбіраць і пад.). Не ў лад — нязладжана, нястройна. Не ў ладу; не ў ладах з кім-чым — быць не ў згодзе, у дрэнных адносінах. У лад — зладжана, стройна. (Усе) на адзін лад — (усе) аднолькавыя.
Лад
назоўнік | мужчынскі род
1. Строй музычнага твора, арганізацыя музычных гукаў.

2. Папярочнае дзяленне на грыфе струнных музычных інструментаў.

3. Клавішы гармоніка, духавых інструментаў. Перабіраць лады. || прыметнік: ладавы.
Лад
назоўнік | мужчынскі род
У граматыцы: сістэма форм дзеяслова, якая выражае адносіны дзеяння да рэчаіснасці. Абвесны л. Загадны л. Умоўны л.
Ладам
прыслоўе
1. Парадкам, як трэба. Жыццё ідзе л.

2. Мірна, спакойна. Пагутарыць л.
Ладан
назоўнік | мужчынскі род
Араматычная смала, якая выкарыстоўваецца для абкурвання ў час богаслужэння. На ладан дыхаць (размоўнае) — быць пры смерці. || прыметнік: ладанны.
2009–2019. Беларусь, Менск.